सालकको खपटासहित चाबहिलबाट दुईजना पक्राउ
काठमाडौं । महानगरीय अपराध महाशाखाले संकटापन्न तथा दुर्लभ सालकको खपटा बेचबिखनमा संलग्न दुई जनालाई चाबहिल क्षेत्रबाट पक्राउ गरेको छ ।
महाशाखाको टोलीले आइतबार चाबहिल शान्ति गोरेटो चोकबाट एक किलो २५ ग्राम सालकको खपटासहित काभ्रेका बिनोद तामाङ र सिंह तामाङलाई पक्राउ गरेको हो ।
पक्राउ परेका दुबै जनालाई थप अनुसन्धान तथा कारवाहीका लागि जिल्ला वन कार्यालयमा पठाएको महाशाखाले जनाएको छ ।
