समीर र कञ्चनले दिए विवाह भोजको खर्च वाल आश्रम र माया घरलाई
इटहरी । युवा संचार उद्यमी समीर कार्कीले लकडाउन पालना गर्दै विहे मात्रै गरेनन् विहे भोज खर्च तीन लाख रुपैयाँ निःससहाय वाल आश्रम र माया घर इटहरीलाई उपलव्ध गराएर परोपकारी कर्ममा भाग लिए । कार्कीको विराटनगरकी कञ्चन थापासंग विवाह भएको हो ।
कार्कीले भने, ‘ यो लकडाउनको वीच समय र परिस्थिति अनुसार सीमित पारिवारिक सदस्य वीच भौतिक दुरीलाई अपनाएर विहेको सांस्कृतिक कार्य सम्पन्न गरें ।’ विश्वनै रोइरहेको अवस्थामा हाँसी हाँसी बिहे गर्नै मनले पटक्कै मानेको थिएन तर पूर्व निर्धारित मिति, लगन र पारिवारिक निर्णयलाई रोक्नु अवान्छित लाग्यो, कार्कीले भने ।
उनले जिम्मेवार नागरिकको कर्तव्य पूरा गरेर समाजसेवी सोचका विहे भोजमा लाग्ने खर्च निःसहाय वाल आश्रम र माया घर इटहरीलाई उपलव्ध गराएको बताए । एरिना टेलिभिजनको प्रमुख कार्यकारी कार्की ‘इन्नोभेटिभ आइडिया’का अभ्यासकर्ताका रुपमा परिचित छन् ।
