नेविसंघका पूर्वमहामन्त्री काफ्लेले गरे कोरोना कोषमा दुई लाख सहयोग
काठमाडौं । नेपाल विद्यार्थी संघका निवर्तमान महामन्त्री कुन्दनराज काफ्लेले विवाहको खर्च कटौती गरी सरकारद्वारा गठित कोरोाना राहत कोषमा आर्थिक सहयोग गरेका छन् ।
उनले सोमबार स्वास्थ्यमन्त्री भानुभक्त ढकालमार्फत दुई लाख रुपैयाँ कोरोना राहत कोषमा जम्मा गरेका हुन् । काफ्लेले आफ्नो विवाहको खर्च कटौती गरेर उक्त रकम कोरोनाविरुद्धको लडाइँमा सघाउन सरकारलाई सहयोग गरेको बताएका छन् ।
आइतबार बैबाहिक बन्धनमा बाँधिएका काफ्लेले सोमबार बिहान धर्मपत्नी मेनुका अधिकारीका साथ सिंहदरबार पुगेर उक्त रकम हस्तान्तरण गरेक थिए ।
