हिमानी कोषद्वारा विद्यार्थीलाई शैक्षिक सामग्री प्रदान
काठमाडौं । पूर्वयुवराज्ञी हिमानी शाहले शनिबार काठमाडौंको शान्तिनगरस्थित सिद्धेश्वर माध्यामिक विद्यालयका विद्यार्थीलाई शैक्षिक सामग्री वितरण गरेकी छन् ।
छोरा हृदेयन्द्र, पूर्वराजकुमारी प्रेरणा शाहसहित परिवारका अन्य सदस्यहरुले शैक्षिक सामग्री वितरण गरेका हुन् । कार्यक्रममा नायिका मनिषा कोइराला पनि सहभागी भएकी थिइन् ।
लायन्स ब्लब अफ काठमाडौँ युनिक र हिमानी कोषको संयुक्त आयोजनामा शैक्षिक सामग्री वितरण गर्नुको साथै रक्तदान एवम् स्वास्थ्य परीक्षण शिविर पनि संचालन गरिएको थियो । हिमानी कोष सामाजिक कार्यमा सक्रिय रहँदै आएको छ ।
