बूढानीलकण्ठबाट ११ जुवाडे पक्राउ
काठमाडौं । महानगरीय प्रहरी प्रभाग बूढानीलकण्ठले जुवा खेलिरहेका बेला ११ जनालाई पक्राउ गरेको छ ।
प्रहरी निरीक्षक भूपेन्द्र गिरीको नेतृत्वमा गएको प्रहरी टोलीले बूढानीलकण्ठ नगरपालिका–४ भसमथली क्वाटोलमा रहेको उत्तम कुइँकेलको घरमा जुवा खेलिरहेका बेला ११ जनासहित जुवाखालबाट चार लाख १५ हजार रुपैयाँ बरामद गरेको हो ।
उनीहरुलाई थप अनुसन्धान तथा कारवाहीका लागि महानगरीय प्रहरी वृत्त महराजगञ्ज पठाइएको प्रहरी निरीक्षक गिरीले जानकारी दिए ।
