काभ्रेमा सवारी दुर्घटनामा दुई जनाको मृत्यु, १५ घाइते
बनेपा । काभ्रेमा सवारी दुर्घटनामा परी दुई जनाको मृत्यु भएको छ भने १५ जना घाइते भएका छन् । महाभारत गाउँपालिका–२ थामबाट बनेपातर्फ आउँदै गरेकोबा३ख ३५९५ नम्बरको निसान गाडी रोशी गाउँपालिका–३ साँझाकोटमा शुक्रबार साँझ दुर्घटना भएको हो ।
मृत्यु हुनेमा महाभारत गाउँपालिकाका प्रकाश मोक्तान र वकिल बोम्जन रहेको प्रहरी उपरीक्षक जयराज सापकोटाले जानकारी दिए । मोक्तान र बोम्जनको घटनास्थलमै मुत्यु भएको हो ।
