पशुबध नगरी दशैं मनाऔं
भोलि बडादशैँको पहिलो दिन घटस्थापना,
दशैँ भन्नासाथ: पिङ खेल्ने, टीका लगाउने, पारिवार/इष्टमित्र/साथीभाइ भेटघाट, लामो समयको काम/पढाइलाई गुजारेर छुट्टी मनाउने,,
अझ दशैँ भन्ने बित्तिकै जोडिने अर्को कुरा मासु(आफुसँगै/आफ्ना छोराछोरी सँगै हुर्काईएको होस् वा किनेर ल्याईएको पशु) लाई बध गर्ने र विभिन्न परिकार बनाएर खाने र रमाउने !!!
यसपालिको दशैँमा पशुबध नगरिकनै अन्य धेरै खानेकुराहरुको साथमा यस पवित्र पर्वलाई मनाउने हो भने दशैँ साँच्चिकै पवित्र हुने थियो ।
आउनुस्, सबै मिलेर हामीले भन्ने गरेको लोककल्याणकारी समाज मात्रै नभई लोक साथसाथै पशुकल्याणकारी समाजको लागि हातेमालो गरौँ ।
उच्च चेतन अवस्थाका हामी मानव ईन्द्रिय तृप्तिको लागि मात्रै नभई सबै आनन्दले रमाउन सक्ने सुन्दर संसारको सुरुवातमा सँगसँगै अगाडि बढौँ । यसको लागि आफैंबाट र आफ्नो परिवारबाटै शुरु गरौँ
पशुलाई पशुकै स्थान ठीक छ, हामी त मान्छे,,,
हामी पशु बन्ने प्रयास गर्दै नगरौं ।
सात्विक भोजननै हाम्रो लागि पर्याप्त छ नि !!!
र
एउटा कुरा,,
तपाईंले अनि मैले,
नचाहेरै पनि जिन्दगीको सबैभन्दा मूल्यवान बस्तु गुमाउनै पर्दछ, त्यसकारण पनि प्राणी बध नगर्ने र कसैलाई गर्न विवश नबनाउने कुराको लागि प्रण गरौँ ।
तपाईंहरू सबैको कल्याण होस् ।
सबै पशुको पनि कल्याण होस् ।
उदयराज ढकाल
