सरकारले गाईको मासु घरघरमा पुर्याउन षड्यन्त्र गरेको भन्दै काठमाडौंमा प्रदर्शन
काठमाडौं । सरकारले गाईको मासु घरघरमा पुर्याउन षड्यन्त्र गरेको भन्दै त्यस्को बिरोधमा बिहीबार काठमाडौंमा प्रदर्शन गरिएको छ । सनातन संस्कृति समाज नेपालको अगुवाइमा भएको प्रदर्शन भएको हो ।
सरकारले यस्तै प्रवृत्ति दोहोर्याए आन्दोलन अझ सशक्त बनाउने राप्रपा संयुक्तका नेता एवं सनातन संस्कृति समाज नेपालका सह अध्यक्ष तारानाथ लुँइटेलले जानकारी दिए ।
स्वच्छ मासुको प्रचारका लागि बनाएको पोस्टरमा गाईको तस्विर राखिएपछि पशु सेवा विभागले यस अघिनै माफी मागिसकेको छ ।
विभागका महानिर्देशक डा. वंशी शर्माले विज्ञप्ति जारी गरी पोस्टर छपाईको त्रुटिका कारण गाईको तस्विर भूलवश परेको भन्दै क्षमायाचना गरेका थिए ।
विभागको मोवाइल भ्यानमा पशुपन्छीजन्य उत्पादनहरु दूध, मासु, अण्डालगायको उत्पादन, प्रशोधन तथा उपभोक्तालाई गुणस्तरीय बनाउने हेतुले प्रचार प्रसारका लगि राखिएको पोस्टमध्ये एउटामा त्रुटि देखिएको स्वीकार गरेको थियो ।