वैदेशिक रोजगार व्यवसायी संघमा लोकतान्त्रिक प्यानल विजयी, अध्यक्षमा विष्णु गैरै निर्वाचित
काठमाडौं । नेपाल वैदेशिक रोजगार व्यवसायी संघको अध्यक्षमा नेपाल लोकतान्त्रिक वैदेशिक रोजगार व्यवसायी फोरमका तर्फबाट अध्यक्षका उम्मेदवार बनेका विष्णुप्रसाद गैरे विजयी भएका छन् । मंगलबार सम्पन्न २७औँ साधारण सभा र निर्वाचनमा गैरेले प्रगतिशील वैदेशिक रोजगार व्यावसायी मञ्च नेपालका तर्फबाट अध्यक्षका उम्मेदवार बनेका सरोजकुमार पोखरेललाई पराजित गरेका हुन् ।
मंगलबार राति अबेर सार्वजनिक भएको चुनावी परिणामअनुसार संघको नेतृत्वमा फोरमले सतप्रतिशत विजयी हासिल गरेको छ । प्रगतिशील वैदेशिक रोजगार व्यावसायी मञ्च नेपालका तर्फबाट अध्यक्षका उम्मेदवार बनेका सरोजकुमार पोखरेलमाथि गैरेले ८३ मतले विजयी भएका छन् ।
मंगलबार सम्पन्न निर्वाचनमा नेपाल लोकतान्त्रिक वैदेशिक रोजगार व्यवसायी फोरमका तर्पmबाट अध्यक्षका उम्मेदवार बनेका गैरेले ३३० मत प्राप्त गरेका छन् भने पोखरेलले २ सय ४७ मत प्राप्त गरेका थिए ।
त्यस्तै, प्रथम उपाध्यक्षमा फोरमका तर्फबाट उम्मेदवार बनेका कमल तामाङ विजयी भएका छन् । उनले ३८१ मत प्राप्त गरेका थिए भने उनका प्रतिद्वन्द्वी हरिबहादुर क्षेत्री पाण्डेले २३० मत प्राप्त गरेका थिए ।
द्वितीय उपाध्यक्षमा फोरमका तर्फबाट कमलदेव मल्ल विजयी भएका छन् । उनले ३२२ मत प्राप्त गर्दा उनका निकटतम् प्रतिद्वन्द्वी मुक्तिनाथ अधिकारीले २८७ मत प्राप्त गरेका छन् ।
तृतीय उपाध्यक्षमा मञ्चका तर्फबाट उम्मेदवारी दिएका किशोरकुमार केसी विजयी भएका छन् । उनले ३६० मत प्राप्त गर्दा उनका उनका निकटतम प्रतिद्वन्द्वी अख्तर हुसेनले २४४ मत प्राप्त गरे ।
त्यस्तै, महासचिवमा सुजितकुमार श्रेष्ठ विजयी भएका छन् । उनले ३८८ मत प्राप्त गरेका छन् भने उनका निकटतम् प्रतिद्वन्द्वी रामचन्द्र गिरीले २२३ मत प्राप्त गरे ।
सचिवमा मेघनाथ भुर्तेल निर्वाचित भएका छन् । उनले उनले ३३३ मत प्राप्त गरेका छन् भने उनका निकटतम प्रतिद्वन्द्वी सन्जु गुरुङले २७३ मत प्राप्त गरे । कोषाध्यक्षमा इन्दिरा गुरुङ विजयी भएकी छन् ।
उनले २९७ मत प्राप्त गरेकी थिइन् भने उनका प्रतिद्वन्द्वी तेजमाया लिम्बूले १९४ मत प्राप्त गरिन् । सदस्यहरूमा फोरमका तर्फबाट उम्मेदवार बनेका होमप्रसाद तिमल्सिना, दलवीर भण्डारी, ओमबहादुर न्यौपाने, सरिता घले, सोमबहादुर तामाङ, बाबुराम खड्का, नुर मोहम्मद मियाँ, दोर्जे शेर्पा, केदारनाथ अधिकारी (दीपेन्द्र) र वीरेन्द्रकुमार यादव विजयी भएका छन् ।
