स्ववियु निर्वाचनका उम्मेदवारमाथि सत्तापक्ष निकटका भातृ संगठनबाट आक्रमण भयो, कारबाही होस्ः सांसद श्रेष्ठ
काठमाडौं । राष्ट्रिय स्वतन्त्र पार्टीकी सांसद सुमना श्रेष्ठले स्वतन्त्र विद्यार्थी युनियनको निर्वाचन भयमुक्त र राजनीति हस्तक्षेपमुक्त बनाउन माग गरेकी छन् ।
बुधबारको प्रतिनिधिसभा बैठकमा आरआर क्याम्पसमा स्ववियुका सचिव पदका उम्मेदवार दीपक देवकोटालाई खेलकुद ग्राउण्डमा सत्तापक्ष निकटका भातृ संगठनले सामूहिक आक्रमण गरेको भन्दै सरकारको ध्यानाकर्षण गराइन् ।
उनले भनिन्,‘स्ववियु निर्वाचन भयमुक्त होस् । सामाजिक संजालमा के आइरहेको छ भने आरआर क्याम्पसमा स्ववियु सचिवका उम्मेदवार दीपक देवकोटामाथि सामूहिक आक्रमण भएको भनेर आएको छ, यसमा मैले सरकारको ध्यानाकर्षण गराएँ । निर्वाचन भयमुक्त गराउनुपर्यो ।’
