ठाकुरको रिटमा सर्वोच्चद्वारा अन्तरिम आदेश जारी गर्न अस्वीकार
काठमाडौँ । निर्वाचन आयोगले जनता समाजवादी पार्टीको आधिकारिकता अध्यक्ष उपेन्द्र यादव पक्षलाई दिने निर्णयविरुद्ध महन्थ ठाकुरले दायर गरेको रिटमा सर्वोच्च अदालतले अन्तरिम आदेश जारी गर्न अस्वीकार गरेको छ । बुधबार न्यायाधीश प्रकाशमानसिंह राउतको इजलासले ठाकुरको रिटमा अन्तरिम आदेश जारी गर्न अस्वीकार गरेको हो ।
विपक्षी उपेन्द्र यादव र निर्वाचन आयोगलाई भने सर्वोच्चले कारण देखाउ आदेश जारी गरेको छ । निवेदक ठाकुरको मागअनुसार किन गर्नु नपर्ने हो त्यसको आधार र कारण खुलाइ १५ दिनभित्र जवाफ पेस गर्न आयोग र यादवलाई सर्वोच्चले आदेश दिएको छ ।साउन ११ गते आयोगले जसपाको आधिकारिकता यादवलाई दिएको थियो । आयोगको निर्णयविरुद्ध सर्वोच्चमा रिट दायर गरेका थिए ।