देउवा सरकारले एमालेसँगको रिस सुकुम्बासीसँग पोखेको भन्दै शंकर पोखरेलको आक्रोश

काठमाडौं । लुम्बिनी प्रदेशका मूख्यमन्त्री शंकर पोखरेलले सरकारले भूमिसम्बन्धी समस्या समाधान आयोग खारेज गरेकोप्रति आक्रोश पोखेका छन् । सामाजिक संजालमार्फत पोखरेलले एमालेसँगको रिस भूमिहीन सुकुम्बासी र अव्यवस्थित बसोबासीमाथि पोख्नु सरकारको लाचारी भएको टिप्पणी गरेका हुन् ।

उनले लेखेका छन्,‘ एमालेसँगको रिस भूमिहीन सुकुम्बासी र अव्यवस्थित बसोवासी माथि पोख्नु सरकारको लाचारी हो । गल्ती सच्याई आयोगलाई पुनः सकृय बनाउन सरकारलाई दबाब सिर्जना गरौं।’ मंगलबार बसेको मन्त्रिपरिषद् बैठकले भूमि आयोगलाई खारेज गर्ने निर्णय गरेको थियो ।