प्रचण्ड र प्रधानमन्त्रीबीच मन्त्रिपरिषदलाई पूर्णता दिनेबारे छलफल
काठमाडौं । प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डबीच भेटवार्ता भएको छ । प्रधानमन्त्री निवास बालुवाटारमा बिहीबार प्रधानमन्त्री र प्रचण्डबीच भेटवार्ता भएको हो ।
भेटमा उनीहरुबीच मन्त्रिपरिषद विस्तारबारे छलफल भएको प्रधानमन्त्रीको बताइएको छ । बुधबार बसेको गठसत्ता गठबन्धनको बैठकले छिटो मन्त्रिपरिषद विस्तार गर्ने र मन्त्रीहरु टुंगो लगाउने जिम्मा शीर्ष नेताहरुलाई दिने निर्णय गरेको थियो । असार २९ गते प्रधानमन्त्री नियुक्त भएका देउवाले अझैसम्म पनि मन्त्रिपरिषद विस्तार गर्न सकेका छैनन् ।
हाल सरकारमा कांग्रेस र माओवादी केन्द्रका दुई–दुई जना मन्त्री र एक जना राज्यमन्त्री मात्र छन् । अब जसपालाई पनि समेटर मन्त्रिपरिषद विस्तार गर्ने प्रधानमन्त्रीको तयारी छ । बुधबारको गठबन्धनको बैठकमा राष्ट्रिय जनमोर्चा र नेकपा एमालेको माधव नेपाल पक्षले भने सरकारमा सहभागी नहुने बताएका थिए ।
