राप्रपाद्वारा महाधिवेशन आयोजक समिति गठन
काठमाडौं । राप्रपाले २०७८ बैशाख तेश्रो साता काठमाडौमा हुने केन्द्रीय महाधिवेशनका लागि पार्टीका अध्यक्षत्रय कमल थापा, पशुपतिशमशेर राणा र डा.प्रकाशचन्द्र लोहनीको अध्यक्षतामा मूल आयोजक समिति गठन गरेको छ ।
समितिमा सचिवालयका दुई प्रमुखहरु सदस्य सचिव, दुई कोषाध्यक्ष र कार्यसम्पादन समितिका सबै सदस्यहरु सदस्य रहने गरि मुल आयोजक समिति गठन गरेको राप्रपाले जनाएको छ ।
जसको सदस्यसचिवमा सचिवालयका दुई प्रमुखहरु ध्रुवबहादुर प्रधान र भाष्कर भद्रा रहेका छन भने गणेश चन्द र चन्द्र बहादुर गुरुङ कोषाध्यक्ष रहने छन्। कार्यसम्पादन समितिका सबै सदस्यहरु सदस्य रहने गरि मंगलबार निर्णय गरिएको हो
बाँकी आवश्यक समिति हरु चाँडै नै गठन गरिने समेत निर्णय भएको छ।
