मध्यान्ह मन्त्रिपरिषद बैठक बस्दै, होला त मन्त्रिमण्ड पुनर्गठन ?
काठमाडौं । प्रधानमन्त्री केपी शर्मा ओलीले मध्याह्न १२ बजे मन्त्रिपरिषद् बैठक बोलाएका छन् । प्रधामन्त्री निवास वालुवाटारमा मध्यान्ह १२ बजे बैठक बस्न लागेको हो । बैठकमा मन्त्रिपरिषद् पुनर्गठन लगायत विषयमा छलफल हुने बताइएको छ ।
यस अघि बिहीबार बसेको मन्त्रिपरिषद्को बैठकले एसिड आक्रमणका दोषीलाई कारबाही गर्न र पीडितको सम्पूर्ण उपचार, शिक्षा र जीविकाको प्रबन्ध गर्ने गरी कानुनी व्यवस्था गर्न अध्यादेश ल्याउने निर्णय गरेको थियो । पार्टीको सचिवालय बैठकले मन्त्रिपरिषद् पुनर्गठनका विषयमा नीतिगत छलफल गरेसँगै आकस्मिक रुपमा बोलाइएको बैठकलाई चासोको रुपमा हेरिएको छ ।
