त्रिचन्द्रको स्ववियु अध्यक्षमा बागीलाई पराजित गर्दै नेविसंघका कोइराला निर्वाचित
काठमाडौं । त्रिचन्द्र क्याम्पसको स्वतन्त्र विद्यार्थी युनियनमा नेविसंघको प्यानलै निर्वाचित भएको छ । बिहीबार बिहान सकिएको मत गणनाअनुसार त्रिचन्द्र क्याम्पसको स्ववियु अध्यक्षमा नेविसंघका गोविन्द कोइराला निर्वाचित भएका छन् ।
नेविसंघकै बागी उम्मेदवार सागर न्यौपानेलाई पराजित गर्दै कोइराला अध्यक्षमा निर्वाचित भएका हुन् । कोइरालाले १ हजार २ सय १५ मत पाउँदा न्यौपानेले ६८३ मत पाएका छन् ।
तेस्रो भएका अनेरास्ववियुका प्रमित विष्टले ४३१ मत पाए । यसैगरी, सचिवमा नेविसंघकै आशिष गिरी र कोषाध्यक्षमा दुष्यन्त गौतम निर्वाचित भएका छन् ।
