आगजनी र तोडफोडमा संलग्न थप ७ जना पक्राउ
काठमाडौं । गत शुक्रबार काठमाडौंको तिनकुने क्षेत्रमा आगजनी, तोडफोड गरेको आरोपमा प्रहरीले थप सात जनालाई पक्राउ गरेको छ ।
विरुद्धको कसुर, आपराधिक उपद्रव लगायतका अपराध गरेको आरोपमा प्रहरीले थप सात जनालाई पक्राउ गरेको जिल्ला प्रहरी परिसर काठमाडौंले जनाएको छ ।
पक्राउ पर्नेमा पर्नेमा रुपन्देहीको देवदह नगरपालिका–९ घर भएका ४७ वर्षीय प्रेम थापा मगर, झापाको गौरादह नगरपालिका–१, गौरादह घर भएका २१ वर्षीय समीर मगर, रामेछापको सुनापाति गाउँपालिका–१ घर भएका २२ वर्षीय सुरेश गौतम, ताप्लेजुङको फुङलिङ नगरपालिका–३ घर भएका २३ वर्षीय सुशील बराल, नुवाकोटको बेलकोटगढी नगरपालिका–७ घर भएका २७ वर्षीय रमेश राई, अछामको पञ्चदेवल नगरपालिका २० वर्षीय गोकर्ण शाही र संखुवासभाको पाँचखपन नगरपालिका–२ घर भई हाल काठमाडौंको कागेश्वरी मनोहरा नगरपालिका–९ बस्ने ३९ वर्षीय मुकुन्द दाहाल रहेका छन् ।
उनीहरूलाई उपत्यकाका विभिन्न स्थानबाट नियन्त्रणमा लिई काठमाडौं जिल्ला अदालतबाट सात दिनको म्याद थप गरी अनुसन्धान भइरहेको परिसरले जनाएको छ ।
