भूकम्पबाट कहाँ-कहाँ भयो क्षति ?
काठमाडौं । भूकम्पपछि भाग्ने क्रममा सिन्धुपाल्चोकमा एकजना घाइते भएका छन् । जिल्ला कारागारबाट हामफालेर भाग्ने क्रममा एक कैदी घाइते भएका हुन् ।
उनलाई उपचारका लागि जिल्ला अस्पताल लगिएको प्रमुख जिल्ला अधिकारी किरण थापाले जानकारी दिए । भूकम्पबाट भएको क्षतिकोबारेमा बुझ्ने काम भइरहेको उनले बताए ।
शुक्रबार बिहान २ बजेर ५१ मिनेटमा सिन्धुपाल्चोकको भैरव कुण्ड केन्द्रबिन्दु बनाएर ६.१ म्याग्निच्युडको भूकम्प गएको थियो । भूकम्पको काठमाडौंसहित आसपासका जिल्ला ठूलो धक्का महसुस गरिएको थियो ।
