अछामको ढकारीमा दुई किशोरी जंगलमा मृत फेला
अछाम । अछामको ढकारीमा दुई किशोरी जंगलमा मृत फेला परेका छन् । अछामको ढकारी गाउँपालिका–१ को छिन्ने ओडारको जंगलमा दुई किशोरी मृत फेला परेका हुन् ।
जिल्ला प्रहरी कार्यालय अछामका प्रहरी नायब उपरीक्षक इश्वरीप्रसाद भण्डारीका अनुसार ढकारी गाउँपालिकाको वडा नम्बर ८ घोडासैनका १४ वर्षीया इश्वरी खड्का र सरस्वती खड्का जंगलमा मृत फेला परेका हुन् ।
शुक्रबार गाईवस्तु चराउन जंगल गएका उनीहरू शनिबार साँझ मृत फेला परेका प्रहरीले जनाएको छ । अहिले चिकित्सकसहितको टोली लगेर अनुसन्धान सुरु गरेको प्रहरीले जनाएको छ ।
