मदिरा सेवन गरी जलाधार कार्यालय रामेछापका प्रमुखले ताण्डव देखाएपछि…(भिडियोसहित)
रामेछाप । भू तथा जलाधार व्यवस्थापन कार्यालय रामेछापका हाकिमले मदिरा सेवन गरेर आतंक मच्चाएका छन् । कार्यालय प्रमुख सुरेश दाहाल सोमबार बिहानै मदिराले लठ्ठिएर होहल्ला गर्दै गरेको अवस्थामा फेला परेको हुन् ।
कार्यालयमै अपशब्द बोल्दै ठूलो आवाजमा कराउँदै गरेका दाहालले आतंक मच्चाएका हुन । उनले कार्यालयमा काम गर्ने कर्मचारीहरु,विभिन्न राजनीतिक दलका प्रमुखहरु,रामेछापका प्रमुख जिल्ला अधिकारी,सांसद,जनप्रतिनिधी लगायतलाई नाम नै तोकेर अपशब्द बोलेका हुन् ।
उनले केही स्थानीयहरुलाई हातपात समेत गर्ने प्रयास गरेका थिए । मदिराले लठ्ठिएका कार्यालय प्रमुख दाहालले प्रहरीलाई समेत अभद्र व्यवहार गरेका थिए । कार्यालय प्रमुखको यस्तो हर्कतले यहाँका स्थानिय आजित भएका छन् ।
जिल्ला प्रहरी कार्यालय रामेछापका डिएसपी प्रदीप कुमार सिंहले दाहाललाई नियन्त्रणमा लिएर प्रहरी कार्यालय ल्याइएको बताए । सार्वजनिक स्थानमा मदिरा सेवन गरेर झै–झगडा गर्ने व्यक्तिलाई सार्वजनिक अपराध अन्तर्गत मुद्दा प्रक्रिया अगाडि बढाउन सकिने कानूनी प्रावधान छ ।
हेर्नुस् भिडियो