कालीबहादुर खामलाई पूर्पक्षका लागि थुनामा पठाउने आदेश

चितवन । अदालतले व्यापारी रामहरी श्रेष्ठको हत्या अभियोगमा माओवादी पूर्वकमाण्डर कालीबहादुर खामलाई पूर्पक्षका लागि थुनामा पठाउने आदेश दिएको छ ।

शुक्रबार चतवन जिल्ला अदालतका न्यायाधीश दयाराम ढकालको इजलासले खामलाई पूर्पक्षमा थुनामा पठाउन आदेश दिएको हो । सर्वोच्च अदालतबाट बुधबार साँझ मिसल आइपुगेपछि बिहीबार खामको बयान सुरू भएको थियो । १५ वर्षदेखि फरार रहेका खामलाई मंगलबार काठमाडौंको ठमेलबाट पक्राउ गरी चितवन अदालतमा पेश गरिएको थियो ।

शक्तिखोरस्थित तत्कालीन माओवादी लडाकुको तेस्रो डिभिजनका कमाण्डर रहेका बेला खामले व्यापारी श्रेष्ठलाई घरबाट नै उठाएर ल्याउन आदेश दिएका थिए । खामसहित लडाकुहरुले श्रेष्ठको हत्या गरेको अभियोग लागेको छ ।