पिएसओ र गाडी छोडेर हिँडेपछि महरा पक्राउः आइजिपी कुँवर



काठमाडौँ । प्रहरी महानिरीक्षक वसन्तबहादुर कुँवरले नेकपा माओवादी केन्द्रका उपाध्यक्ष कृष्णबहादुर महराले पिएसओ र गाडी छोडेर हिँडेपछि पक्राउ गरिएको बताएका छन् ।

बुधबारको राज्यव्यवस्था तथा सुशासन समितिको बैठकमा प्रहरी महानिरीक्षक कुँवरले प्रधानमन्त्री र गृहमन्त्रीसँग छलफल गरेर नै महरालाई पक्राउ गरिएको जानकारी दिएका हुन् ।

उनले भने, ‘उहाँले असहयोग गर्नुभयो । त्यसक्रममा गाडी छाडेर हिँड्नुभएपछि ल्याएका हौं ।’ उनले महराको स्वास्थ्य अवस्थाले हिरासतमा अप्रिय घटना नहोस् भनेर हिरासत बाहिर राखेर अनुसन्धान गर्नुपरेको बताए । प्रहरीले महरालाई चैतमा कपिलवस्तुबाट पक्राउ गरेको थियो ।

तर महरालाई स्वास्थ्य अवस्था कमजोर भएको कारण देखाउँदै सरकारी वकिलको कार्यालयले हाजिरी जमानतमा छाडेको थियो ।
त्यस्तै उनले पोखरास्थित सूर्यदर्शन सहकारीमा भएको ठगी प्रकरणमा उपप्रधान एवम् गृहमन्त्री रवि लामिछानेको संलग्नता नदेखिएको बताए । उनले यसमा गृहमन्त्री लामिछानेको नाम आए पनि अहिलेसम्म कुनै प्रमाण नदेखिएको बताए ।

महानिरीक्षक कुँवरले सहकरी प्रकरणको मुख्य नाइकेमा जीबी राई नै रहेको आफूहरुको पनि बुझाइ रहेको बताए। उनले हाल मलेसियामा रहेको सूचना आएकाले स्वदेश ल्याउने प्रयासमा लागिरहेको कुवँरले बताए ।

उनले मलेसियाको असहयोगका कारण जीबी राईलाई नेपाल ल्याउन नसकिएको बताए । उनले भने, ‘मलेसियामा जीबी राई छन् भन्ने हामी भन्छौँ। तर मलेसिया सरकारको सहयोग नहुँदा पक्राउ गर्न सकिएन ।’

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
२८ जना प्रहरी निरीक्षकका लागि सशस्त्र प्रहरीद्वारा दरखास्त आह्वान

काठमाडौं । सशस्त्र प्रहरी बलले २८ जना प्रहरी निरीक्षकका लागि दरखास्त आह्वान गरेको

बैदेशिक रोजगार छाडेर रेन्बो ट्राउट माछापालनतर्फ आकर्षित

हेटौँडा (मकवानपुर) । चालु आर्थिक वर्षको छ महिनाम वैदेशिक रोजगारीका लागि अन्तिम श्रम

बागलुङका ६ स्थानीय तहले बनाए आफ्नै ‘सिंहदरबार’

बागलुङ । सङ्घीयता लागूपछि बागलुङ १० पालिका भए । त्यसअघि बागलुङ नगरपालिका मात्र

हावाहुरीबाट लाखौँको केराखेतीमा क्षति, किसान निरास

सुनसरी । सुनसरी भोक्राहा नरसिंह गाउँपालिका–२ का जब्बार मियाँले भोक्राहा र इनरूवा–८ डुम्रहाको