काठमाडौंका मेयर साहकी शिक्षा सल्लाहकार रेशु अर्यालले दिइन् पदबाट राजीनामा
काठमाडौँ । काठमाडौं महानगरपालिकाका मेयर बालेन साहका गतिविधिप्रति असन्तुष्टि जनाउँदै शिक्षा सल्लाहकार रेशु अर्याल ढुंगानाले पदबाट राजीनामा दिएकी छन् ।
बुधबार सामाजिक संजालमार्फत ढुंगानाले पदबाट राजीनामा दिएको जानकारी गराएकी हुन् । महानगरपालिका भित्रको वेथिति मौलाउँदै गएको र क्षेत्राधिकार बाहिर गएर महानगर चल्न थालेपछि पदबाट राजनीमा दिएको अर्यालले बताएकी छन् ।
केही दिनअघि मेयर साहको निर्देशनमा शैक्षिक मेला, हिन्दी फिल्म बन्द गराउनेलगायतका काम गरेका थिए । त्यसप्रति उनी असन्तुष्ट बनेकी थिइन् । गत वर्ष भदौमा काठमाडौं महानगरको शिक्षा सल्लाहकारमा अर्याल नियुक्त भएकी थिइन् ।
