प्रहरी महानिरीक्षक कुँवरलाई विवादमा तान्न खोजिएको भन्दै नेपाल प्रहरीको आपत्ति
काठमाडौं । नेपाल प्रहरीले नक्कली शरणार्थी प्रकरणसँग जोडेर प्रहरी महानिरीक्षक वसन्त कुँवरलाई विवादमा तानिएको भन्दै आपत्ति जनाएको छ ।
बुधबार प्रहरी प्रधान कार्यालयले विज्ञप्ति जारी गरी कुनै आधार, तथ्य र प्रमाणबिना अपराध अनुसन्धानजस्तो संवेदनशील विषयमा सम्प्रेषण गरिएका समाचारले जनतामा भ्रम सिर्जना हुने बताएको हो । साथै प्रहरी संगठनकै विश्वसनीयता, छवि तथा चेन अफ कमान्डमा समेत आँच आउने भएकाले आईजीपीलाई जोडेर आएका समाचारमा नेपाल प्रहरी प्रधान कार्यालयको पूर्ण असहमति रहेको बताइएको छ ।
