अखिलका विद्यार्थीबीच आरआर क्याम्पसमा झडप
काठमाडौं । काठमाडौंको प्रदर्शनीमार्गस्थित रत्नराज्य क्याम्पसमा अखिलका विद्यार्थीबीच झडप हुँदा चार जना विद्यार्थी नेताहरु घाइते भएका छन् ।
स्ववियु निर्वाचनको विषयमा विद्यार्थी संगठनका नेताहरुबीच झडप हुँदा आरआर क्याम्पस अनेरास्ववियूका अध्यक्ष मदन भण्डारीमाथि खुकुरी प्रहार भएको विद्यार्थी नेताहरुले बताएका हुन् ।
खुकुरी प्रहारबाट आरआर क्याम्पस अनेरास्ववियुका अध्यक्ष मदन भण्डारीसहित कमिटीका उपाध्यक्ष लोकेश खड्का, सदस्य हर्क बोहरा र अनेरास्ववियु नेता रवि मगरलगायत घाइते भएका आरआर क्याम्पसका स्ववियू सभापति तपेन्द्रबहादुर शाहीले जानकारी दिए ।
उनले अध्यक्ष भण्डारीको अवस्था भने चिन्ताजनक रहेको बताए । घाइतेहरुको अहिले काठमाडौं मोडल अस्पतालमा उपचार भइरहेको छ ।
सभापति शाहीले खुकुरी प्रहार गर्ने ४ जनालाई प्रहरीले नियन्त्रणमा लिएको र उनीहरु आरआर क्याम्पसका विद्यार्थी संगठनमा नरहेको बताए ।
