यसवर्षको मिस नेपालको ताज प्रियंका रानी जोशीलाई
काठमाडौं । सन् २०२२ को मिस नेपालको ताज प्रियंका रानी जोशीले पहिरिएकी छन् । शनिबार काठमाडौंमा भएको ग्राण्ड फिनालेमा जोशीले मिस नेपालको उपाधि जितेकी हुन् ।
उनलाई पूर्वमिस नेपाल नम्रता जोशीले ताज लगाइदिएकी छन् । यस्तै मिस नेपाल अर्थको ताज सरिता श्रेष्ठले जितेकी छन् भने मिस नेपाल इन्टरनेसनलको ताज न्यान्सी खड्काले जितेकी छन् । यस वर्षको मिस नेपालमा २४ जना युवतीले प्रतिस्पर्धा गरेका थिए।
