कांग्रेस पदाधिकारी बैठकमा क्रियाशील सदस्यता छानबिन समितिले प्रतिवेदन बुझाउँदै
काठमाडौं । सत्तारुढ नेपाली कांग्रेसको पदाधिकारी बैठक बस्दै छ । बिहान १० बजेपछि कांग्रेस सभापति एवं प्रधानमन्त्री शेरबहादुर देउवा निवास बुढानिलकण्ठमा बैठक बस्न लागेको हो ।
बैठकमा कांग्रेसको केन्द्रीय क्रियाशील सदस्यता छानबिन समितिले प्रतिवेदन बुझाउँदैछ । समितिले बारा र सप्तरी जिल्लाको नयाँ क्रियाशील सदस्यता विवाद टुंग्याउन नसकेकोले केन्द्रीय समितिलाई नै जिम्मा लगाउने निर्णय गरेको छ ।
सर्लाही क्षेत्र नम्बर २ र धनुषा ४ को विवाद पनि समितिले टुंग्याएको छैन । आज बस्ने पदाधिकारी बैठकले समितिको प्रतिवेदन बुझ्नुका साथै महाधिवेशन कार्यतालिका संशोधन, केन्द्रीय समितिको बैठक आह्वान र सरकार विस्तारबारे छलफल गर्ने बताइएको छ ।
