सशस्त्र प्रहरीका एसएसपीद्वय धौबजी र न्यौपाने डीआइजीका बढुवा सिफारिस
काठमाडौं । गृह मन्त्रालयले सशस्त्र प्रहरीका एसएसपी कालिदास धौबजी र कुमार न्यौपानेलाई डीआईजी बढुवा गर्न सिफारिस गरेको छ ।
गृह मन्त्रालयका सचिव महेश्वर न्यौपानेको अध्यक्षतामा मंगलबार बसेको बढुवा समितीले बैठकले उनीहरुलाई डीआईजीमा बढुवा सिफारिस गरेको हो । सशस्त्रमा डीआईजी हुनका लागि सुरक्षा व्यवस्थापन तालिम वा उच्चस्तरीय व्यवस्थापन तालिम वा स्टाफ कलेज गरेको हुनुपर्छ ।
धौबजी र न्यौपानेले सो तालिम गरेका छन् । बढुवा समितिको सिफारिस मन्त्रिपरिषदबाट स्विकृत हुनुपर्छ । डीआईजी बढुवाका लागी एसएसपीहरु कालिदास धौबजी, विदुर खड्का, कुमार न्यौपाने, भेषबहादुर शाह, प्रदीपकुमार पाल, लक्ष्मणबहादुर सिंह र कृष्णराज पाठक प्रतिस्पर्धामा थिए ।
