वायु प्रदूषण बढेकाले घर बाहिर ननिस्कन स्वास्थ्य मन्त्रालयको आग्रह
काठमाडौँ । स्वास्थ्य मन्त्रालयले काठमाडौँको आकाशमा वायु प्रदूषण बढेको भन्दै अत्यावश्यक काम बाहेक घरबाहिर ननिस्कन आग्रह गरेको छ ।
शुक्रबार विज्ञप्ति जारी गरी मन्त्रालयले घरबाहिर खुल्ला स्थानमा नबस्न, मर्निङवाकमा नजान आग्रह गरेको हो । मन्त्रालयले बालबालिका, दीर्घ रोगी र ज्येष्ठ नागरिकको विशेष ख्याल गर्न पनि आग्रह गरेको छ। यस्तै फोहोरमैलाको उचित व्यवस्थापन गर्न र जथाभावी नजलाउनसमेत मन्त्रालयले सचेत गराएको छ ।
