बीमा समिति अध्यक्ष सिलवालद्वारा सपथग्रहण
काठमाडौं । बीमा समितिका नवनियुक्त अध्यक्ष सुर्यप्रसाद सिलवालले पद तथा गोपनियताको सपथ लिएका छन् । सिलवाललाई अर्थ मन्त्रालयका राजस्व सचिव रामशरण पुडासैनीले सपथ गराएका हुन् । त्यसक्रममा पुडासैनीले आगामी दिनमा बीमा पहुँच बढाउनुपर्ने बताएका छन् ।
पुडासैनीले बीमा क्षेत्रमा सुशासनको समस्या रहेको भन्दै राम्रो नियमको विकास गर्नुपर्ने चुनौती रहेको बताए । कोरोना बीमाको दाबी गर्नेहरुलाई भुक्तानी गर्नु तथा फन्डको व्यवस्थापन गर्ने चुनौती रहेको पनि उनले बताए ।
बीमा समितिका नवनियुक्त अध्यक्ष सिलवालले बीमा कम्पनीको पहुँच बिस्तारका साथै कम्पनीको विश्वसनीयता बढाउन आफू खरो उत्रिने बताए । बीमा क्षेत्रको वर्तमान समस्यालाई समाधान गर्दै नीतिगत र संरचनालाई समीक्षा गरिने बताए ।
