पार्टीभित्रको कार्य विभाजन गर्न प्रचण्ड-नेपाल समूहद्वारा कार्यदल गठन
काठमाडौं । नेकपाको प्रचण्ड–नेपाल समूहले पार्टीको सांगठनिक कार्य विभाजन गर्न कार्यदल गठन गरेको छ । आइतबार पार्टी कार्यालय पेरिसडाँडाँमा बसेको स्थायी कमिटी बैठकले पार्टी अध्यक्ष माधवकुमार नेपालको संयोजकत्वमा कार्यदल गठन गरेको हो ।
कार्यदललाई प्रदेशका कमिटीका पदाधिकारी, जिल्ला कमिटीका पदाधिकारीहरु, केन्द्रीय संगठनहरु, मोर्चा संगठनका पदाधिकारीहरु र सांगठनिक एकीकरणका बाँकी कामहरु सम्पन्न गर्ने अधिकार दिइएको छ । पार्टी प्रवक्ता नारायणकाजी श्रेष्ठले सांगठनिक काम गर्न अध्यक्ष नेपालको संयोजकत्वमा कार्यदल गठन गरिको र सोमबार बस्ने बैठकले कार्यदललाई अन्तिम रुप दिने जानकारी दिए ।
बैठकमा अध्यक्षद्वय पुष्पकमल दाहाल प्रचण्ड र नेपालले नेपाली कम्युनिष्ट आन्दोलनको रक्षाको लागि दृढतापूर्वक अघि बढ्न सबै नेता कार्यकर्तालाई अपील गर्नुभएको गरेका छन् । बैठकले प्रतिनिधिसभा विघटनको असंवैधानिक कदमकाविरुद्धमा भएका सबै पार्टीहरुसँग संयुक्त कार्यक्रम गर्न समन्वय गर्ने निर्णय समेत गरेको छ ।