काठमाडौंको कमलादीबाट १५ किलो ‘सुन’ बरामद
काठमाडौँ । प्रहरीले कमलादीबाट सुनजस्तै देखिने १५ किलो पहेँलो धातु बरामद गरेको छ । मंगलबार बिहान गाडीमा आएका एक व्यक्तिले झोला फ्याँकेर भागेपछि खानतलासी गर्दा सुनजस्तो पहेँलो पदार्थ १५ किलो र २ वटा पेस्तोल बरामद गरेको प्रहरीले जनाएको छ । गाडीमा भागेका व्यक्तिको खोजी भइरहेको प्रहरीले जनाएको छ ।
घटनाबारे पत्रकार सम्मेलनमार्फत सार्वजनिक गरिने प्रहरीले जनाएको छ । बरामद पहेँलो पदार्थ सुन वा अन्य बस्तु हो भन्ने पहिचान गर्न परीक्षणका लागि पठाइएको छ ।
