बौद्ध धर्मको ग्रन्थ बिक्रि गर्न खोज्ने ६ जना पक्राउ
काठमाडौं । सुनका अक्षरले लेखेको बौद्ध धर्मको ग्रन्थ बिक्रि गर्न लागेका ६ जनालाई प्रहरीले पक्राउ गरेको छ । सुनको मसीले लेखेको पुरोना ग्रन्थ बिक्रीका लागि मोलमोलाई गरिरहेका बेला उनीहरुलाई प्रहरीले पक्राउ गरेको हो ।
पक्राउ पर्नेहरुमा खोटाङको दिक्तेल नगरपालिका ४ का गेहेन्द्रसिंह आत्रेय, काभ्रे पाँचखालका जनक गिरी, ओखलढुंगा भञ्ज्याङ गाउँपालिकाका सुवासकुमार बस्नेत, ओखलढुंगाकै सुनकोसी गाउँपालिकाका हरिबहादुर लामिछाने, काठमाडौ तार्केश्वर नगरपालिकाका राजेन्द्रबहादुर जोशी,नुवाकोटको ककनी गाउँपालिकाका रोशन तामाङ रहेका छन् । प्रहरीले उनीहरु साथबाट सुनौलो अक्षरले लेखिएको बुद्ध धर्मको ग्रन्थको १६ पाना पनि बरामद गरेको छ ।
