कोरोना संक्रमण देखिएकामध्ये ९४ प्रतिशत विदेशबाट आएकाः स्वास्थ्यमन्त्री
काठमाडौं । स्वास्थ्य तथा जनसंख्या मन्त्री भानुभक्त ढकालले कोरोना संक्रमण नियन्त्रयणकै स्थितिमा रहेको दाबी गरेका छन् । मंगलबार नेपाल रेडक्रस सोसाइटीले प्रदान गरेको स्वास्थ्य सामग्री बुझ्दै मन्त्री ढकालले अहिलेसम्म संक्रमण देखिएकामध्ये ९४ प्रतिशत विदेशबाट आएको व्यक्ति रहेका भन्दै कोरोना संक्रमण नियन्त्रयणकै स्थितिमा रहेको दाबी गरेका हुन् ।
मन्त्री ढकालले ६ प्रतिशत समुदायस्तरमा संक्रमण फेला परेको समेत बताए उनले असार १५ गतेबाटै १० हजार जनाको पीसीआर परीक्षण गर्ने भनेपछि मेशिन जडान भएको र परीक्षण भइरहेकाले केही दिनमा नै दैनिक १० हजार जनाको पीसीआर विधिबाट परीक्षण हुने जानकारी दिए ।
रेडक्रसले १ करोड ५७ लाख रुपैयाँ बराबरको मास्क, सेनिटाइजर लगायत कोरोना नियन्त्रणका लागि प्रयोग हुने सामग्री दुई चरणमा मन्त्रालयलाई हस्तान्तरण गरेको हो ।
