संघीय निजामती सेवा ऐनकाबारेमा प्रधानमन्त्रीसँग कुरा गर्छुः प्रचण्ड
काठमाडौँ । सत्तारुढ नेपाल कम्युनिष्ट पार्टीका अध्यक्ष पुष्पकमल दाहाल प्रचण्डले संघीय निजामती सेवा ऐनमा समावेश प्रावधानका बारेमा प्रधानमन्त्री केपी शर्मा ओलीसँग कुरा गर्ने आश्वासन दिएका छन् ।
आफूलाई भेट्न शुक्रबार बिहान आएका निजामती कर्मचारीहरूको आधिकारिक ट्रेड युनियनका पदाधिकारीहरुसँग अध्यक्ष प्रचण्डले यस विषयमा प्रधानमन्त्रीसँग कुरा गर्ने आश्वासन दिएका हुन् ।
अध्यक्ष प्रचण्डसँग उनीहरुले ऐनमा समावेश ट्रेड युनियनको प्रावधानलाई लिएर असन्तुष्टि जनाएका थिए । प्रचण्डले भने, ‘ कुन कुन विषयमा के सुधार गर्नुपर्ने छ , त्यो लेखेर मलाई पठाउनुस्, म प्रधानमन्त्री र राज्य व्यवस्था समितिका सभापतिसँग कुरा गर्छु, म तपाईंहरुकै पक्षमा छु ।’