कुटनीतिक प्रयासबाट भूमि फिर्ता ल्याउन कांग्रेसले विपक्षी दलको हैसियतामा सहयोग गर्ने देउवाद्वारा स्पस्ट
काठमाडौं । नेपाली कांग्रेसका सभापति शेरबहादुर दउवाले राष्ट्रिय हितको सबालमा सबै नेपाली फेरि पनि एकजुट भएको बताएका छन् । प्रतिनिधिसभाको शनिबारको बैठकमा सभापति देउवाले गुमेको भूमि फिर्ता ल्याउन सरकारलाई सबै नेपाली नागरिकले साथ दिएका बताएका हुन् ।
उनले नेपाली कांग्रेस केन्द्रीय समिति र संसदीय दलले समेत संविधानमा नक्सा संशोधनका लागि पूर्ण रुपमा सहयोग गर्ने निर्णय गरेको जानकारी दिए । उनले नक्सा पारित गर्न एक भएजस्तै भूमि फिर्ता ल्याउन पनि सम्पूर्ण नेपालीहरु एक हुने बताए । उनले कुटनीतिक प्रयासबाट भूमि फिर्ता ल्याउन कांग्रेसले विपक्षी दलको हैसियतामा सहयोग गर्ने स्पस्ट पारे ।
सभापति देउवाले सुगौलीको सन्धी १८१६ अनुसार कालीदेखि पूर्वको भूभाग नेपालको भएको स्पस्ट भएको समेत बताए । यस्तै अंग्रेजले छापेको नक्सामा पनि कालीनदी भनिएको र चीनमा पनि कुटियाङ्दी भन्ने शब्द रहेको र त्यसको अर्थ पनि काली नदी भन्ने नै रहेकाले काली नदी भन्दा पूर्वको भूभाग नेपालको हो भन्ने स्पष्ट भएको बताए ।
