बल्ल उठ्यो कोरोना संक्रमितको शव

बुटवल । रुपन्देहीको मणिग्रामको क्रिमसन अस्पतालमा निधन भएका कोरोना संक्रमित शिक्षकको शव व्यवस्थापन गरिएको छ । बिहीबार उपचारका क्रममा निधन भएका ४१ वर्षीय शिक्षकको शव स्थानीय प्रशासनले व्यवस्थापन गरेको हो । शुक्रबार दिउँसो २ बजे स्थानीय प्रशासनले कोरोनाका कारण मृत्युु भएकाहरुको शव व्यवस्थापन कार्यविधि अनुसार व्यवस्थापन गर्ने गरि नेपाल प्रहरी र नेपाली सेनाको टोलीले अस्पतालबाट शव लगेर व्यवस्थापन गर्ने तयारी गरेको छ ।

मृतकको शव कहाँ व्यवस्थापन गर्नेे भन्ने बिषयमा समेत विवाद बढ्दा केही समय अन्यौलता बढेको थियो । मृतकको शव तिलोत्तमा नगरपालिकाको वडा नं ३ स्थित मगरघाटमा व्यवस्थापन गर्ने प्रयत्नमा स्थानीयले असहमति जनाएका कारण, तिलोत्तमाकै वडा नं १४ अमुवा पुल नजिक व्यवस्थापन गर्ने प्रयत्न समेत स्थानीयले सहमति दिएनन् ।

शव सैनामैनाको सालझण्डीमा रहेको वसामुदायिक नमा ब्यवस्थापन गर्ने प्रयत्न सफल हुन नसकेपछि स्थानीय प्रशासनले तिलोत्तमा नगरपालिकाकै वडा नम्बर १ मा रहेको शंंकरनगर सामुुदायिक वन क्षेत्रमा व्यवस्थापन गर्ने निर्णय गरिएको बताईएकोे छ ।