नयाँ निशान छापमा लिम्पियाधुरासहितको नयाँ नक्सा राख्नुपर्छः अध्यक्ष लोहनी
काठमाडौं । राष्ट्रिय प्रजातन्त्र पार्टीका अध्यक्ष डा प्रकाशचन्द्र लोहनीले १८१६ को सन्धि वमोजिम नेपालका नक्सा जारि गर्ने सरकारको निर्णयको स्वागत गरेका छन् । सामाजिक संजाल फेसबुकमार्फत अध्यक्ष लोहनीले सरकारको निर्णयको स्वागत गर्दै सरकारलाई चार सुझाव दिएका छन् ।
सम्माननीय रास्ट्रपतिको सम्बोधन बमोजिम लिम्पियाधुरा, कालापानी तथा लिपुलेक क्षेत्र नेपाल को बेलायत सग भएको १८१६ को सन्धि बमोजिम नेपालको नक्सामा राख्ने निर्णय हुनु स्वागत योग्य हो अब निम्न कार्य गर्न मेरो सुझावः
१ दोस्रो जनआन्दोलनपछि २०७२ को संविधानको अनुसूची ३ मा नेपाल सरकारको निशान छापमा राखिएको नेपालको नक्सा मा १८१६ देखि कायम भएको लिम्पियाधुरा क्षेत्र छुटेको छ । यो बिगत १४ वर्षदेखिको ठूलो त्रुटी हो । नयाँ निशान छापमा लिम्पियाधुरासहितको नयाँ नक्सा अब राखिनु पर्दछ ।
२ त्यस क्षेत्रमा ससस्त्र प्रहरी बलको पछाडि नेपाली सेना तैनाथ गरिनु पर्दछ ।
३ त्यस क्षेत्रमा जनतालाई आवश्यक नेपाल सरकारको कार्यालयको उपस्थिति राम्रो हुनेछ ।
४ त्यस क्षेत्रमा यातायातले विशेष ध्यान दिई जनता लक्षित अन्य विकास कार्यक्रम आउँदो वर्षदेखि विशेष चासो राखी लागू गर्नुपर्दछ । त्यहाँका नेपाली जनताले राज्यबाट अहिले जस्तो उपेक्षित भएको महसुस गर्नु नपरोस् । यो बँुदामा यसपालीको बजेटले ध्यान देओस् ।
