कोरोना संक्रमणबाट मृत्यु भएकी महिलाको परिवारका सदस्यको रिपोर्ट नेगेटिभ

बनेपा । कोरोना संक्रमणका कारण मृत्यु भएकी सिन्धुपाल्चोककी २९ वर्षीया महिलाको शिशु र परिवारका अन्य सदस्यको पीसीआर रिपोर्ट नेगेटिभ आएको छ । मृतक महिलामा कोरोना संक्रमण पुष्टि भएपछि शिशुसहित  श्रीमान, माइतीतर्फका आमा र बहिनीको पनि नमुना संकलन गरिएको थियो ।

महिलाको कोभिड–१९ संक्रमणले मृत्यु भएपछिआइतबार उनका परिवारजन र छिमेकीको स्वाब संकलन गरिएको थियो । वैशाख २४ गते त्रिवि शिक्षण अस्पतालमा छोरा जन्माएकी महिला त्यसपछि सिन्धुपाल्चोकस्थित घर गएकी थिइन् । त्यसपछि स्वास्थ्यमा समस्या देखिएपछि स्थानीय स्वास्थ्य संस्था हुँदै उपचारका लागि धुलिखेल ल्याइएको थियो । बिहीबार उनको मृत्यु भएको थियो ।