सरकारको नीति तथा कार्यक्रमकाबारेमा आइतबार र सोमबार संसदमा छलफल हुने
काठमाडौं । सरकारको नीति तथा कार्यक्रमका बारेमा प्रतिनिधिसभामा जेठ चार र पाँच गते छलफल हुने भएको छ । शनिबार बसेको प्रतिनिधि सभा कार्यव्यबस्था परामर्श समितिको बैठकले यस्तो निर्णय गरेको हो ।
सम्पूर्ण सुरक्षा सतर्कता अपनाएर बैठक सञ्चालन गर्ने, सांसदहरुलाई पहिले आफू बसेको सीट परिवर्तन नगर्न अनुरोध गर्ने, छलफल छोटो बनाउने, ६ गते छलफलका क्रममा उठेका प्रश्नको प्रधानन्त्रीले जवाफ दिनेगरी व्यबस्था गर्ने बैठकले निर्णय भएको सभामुख अग्नी प्रसाद सापकोटाको सचिवालयले जनाएको छ ।
