७७ वटै जिल्ला प्रशासन कार्यालयबाट जारी भएका सबै पास खारेज
काठमाडौँ । गृह मन्त्रालयले ७७ वटै जिल्ला प्रशासन कार्यालयहरुबाट जारी भएका सबै पास गृह खारेज गरेको छ । शनिबारदेखि लागू हुने गरी सबै प्रशासन कार्यालयबाट जिल्ला भित्र र बाहिर आवगमन गर्न दिइएका सवारी पास खारेज गर्ने निर्णय गरिएको मन्त्रालयका सहप्रवक्ता उमाकान्त अधिकारीले जानकारी दिएका छन् ।
अबदेखि लिइने पासहरु गृह मन्त्रालयको अनुमतिमा मात्रै जारी गरिने उनले बताए । मन्त्रालयले जिल्ला बाहिरका लागि जारी गरिएका पासहरु यसअघि नै मन्त्रालयले खारेज गरिसकेको छ ।
