संक्रमित बढेपछि लकडाउनमा कडाई, एक जिल्लाबाट अर्को जिल्ला जान नपाइने
काठमाडौं । एकै दिन ५७ जना कोरोना भाइरस संक्रमित भेटिएपछि सरकारले एक जिल्लाबाट अर्कोमा जान कडाइ गर्ने भएको छ । गृहमन्त्रालयले मंगलबार निर्णय गर्दै जेठ १ गतेदेखि यो लागु हुने र यसअघि जारी गरिएका सबै किसिमका पास रद्द गर्ने निर्णय गरेको छ। जानैपर्ने भएमा पुग्ने जिल्लाका प्रमुख जिल्ला अधिकारीको पनि स्वीकृति लिएर पास दिन सक्ने छ। । काठमाडौ उपत्यका बाहेकका जिल्लामा गृह मन्त्रालयले यस्तो निर्णय गरेको हो ।
एउटै जिल्लाभित्र पनि आवतजावतका लागि पनि अनिवार्य सवारी पास चाहिने नियम लागू गर्ने निर्णय लिएको छ । अधिकारी अनुसार अब परिचयपत्र मात्रै देखाएर सडकमा निस्कन पाइँदैन । बाहिरबाट राजधानी उपत्यका भित्र आउनेले गृह मन्त्रालयको अनुमतिमा सम्बन्धित जिल्लाबाट पास लिएर आउन पाउने व्यवस्था गरिएको छ ।
