सीमा विवादकाबारेमा भावी रणनीति बनाउन सर्वदलीय बैठक बोलाउन राप्रपाको माग
काठमाडौं । राष्ट्रिय प्रजातन्त्र पार्टीले सीमा विवादको कुटनीतिक वार्ताका माध्यमबाट समाधान खोज्न सरकारलाई आग्रह गरेको छ । राप्रपाका तीन अध्यक्ष कमल थापा, पशुपतिशम्सेर राणा र डा. प्रकाशचन्द्र लोहनीले संयुक्त विज्ञप्ति जारी गरी सीमा अतिक्रमणबारे नेपालस्थि भारतीय राजदूतलाई बोलाएर विरोध जनाउन आग्रह गरेका छन् । त्यस्तै राप्रपाले सीमा अतिक्रमणपटि भावी रणनीति तय गर्न सर्वदलीय बैठक आह्वान गर्नसमेत सरकारको ध्यानाकर्षण गराएको छ ।
