‘मुलुकलाई पार्टटाइम होइन, फुलटाइम प्रधानमन्त्री जरूरी छ’
काठमाडौं । पूर्वप्रधानमन्त्री डा. बाबुराम भट्टराईले मुलुकलाई सक्रिय प्रधानमन्त्री आवश्यक भएको बताएका छन् । ट्वीट गर्दै भट्टराईले कोरोना महामारीका बेला प्रधानमन्त्री सक्रिय हुनुपर्नेमा त्यसो नभएको बताएका हुन् ।
उनले भनेका छन्, ‘ लामो खुला सीमाना रहेको स्थितिमा लकडाउनको अवधि लम्ब्याउनु अनिवार्य हो!सबैले पालना गरेका छौंःअझै सावधानीपूर्वक गरौं! तर भारतीय सीमामा अलपत्र रहेका,वेरोजगाररविपन्नरअशक्तको व्यवस्थापन सुधार्नु छ! परीक्षण बढाउनु छ! स्वास्थ्यकर्मीलाई साधनसम्पन्न गर्नु छ ! फुलटाइम प्रम जरूरी छ ! चेतना भया !’
दोस्रो पटक मिर्गौला प्रत्यारोपणपछि प्रधामन्त्री केपी शर्मा ओली आराम गरिरहेका छन् । जसका कारण पनि प्रधानमन्त्री निष्क्रिया जस्तै देखिएका छन् । नागरिकस्तरबाट समेत प्रधानमन्त्री निष्क्रिय भएको आवाज उठ्न थालेको छ । प्रधानमन्त्री निष्क्रिय भएकै कारण औषधि खरिद प्रक्रिया विवादमा परेको छ ।
