कोरोना संक्रमणबाट सप्तरीका एक पुरुषको मृत्यु

धरान । बीपी कोइराला स्वास्थ्य विज्ञान प्रतिष्ठान, धरानमा उपचाररत एक जना कोरोना संक्रमितको मृत्यु भएको छ । सप्तरीको राजविराज नगरपालिका वडा नम्बर ६ का ७३ वर्षीय पुरुषको उपचारका क्रममा गएराति मृत्यु भएको हो । उनी भारतका विभिन्न व्यापारिक सहरमा व्यापरको लागि आउजाउ गर्ने गरेको बुझिएको छ ।

बिहीबार प्रतिष्ठानमा उपचारका लागि भर्ना उनको पीसीआर रिपोर्ट पोजेटिभ देखिएको थियो । उनको शव अहिले प्रतिष्ठानको शव गृहमा राखिएको छ ।

उनी प्रदेश २ सप्तरीका भए पनि प्रदेश १ मा पहिलो व्यक्ति उपचारको क्रममा मृत्यु भएको यो पहिलो घटना हो । शवलाई कसरी व्यावस्थापन गर्ने भनेर समवन्य भईरहेको बताइएको छ । योसँगै कोरोना संक्रमणबाट मृत्यु हुनेको संख्या ४० पुगेको छ ।