अनि चैत महिनामा तलब र यातायात भत्ता लिने सांसदलाई कारबाही गर्ने कि नगर्ने ?
नारायण गाउँले ।
चैत महिनाको घरभाड़ा लिनेलाई कारबाही गरिने !
-अनि चैत महिनामा तलब र यातायात भत्ता लिने सांसदलाई ?
-चैत महिनाको कर उठाउने सरकारलाई ?
-चैत महिनामा पढाउँदै नपढ़ाई शुल्क लिने विद्यालयलाई ?
-विद्यालय नचले पनि शिक्षकलाई तलब दिने स्कुलसँग चैतको ब्याज उठाउने ब्याङ्कलाई ?
-लकडाउन उल्लङ्घन गर्दै मान्छे ‘उठाउन’ तराई झर्ने सांसदलाई ?
-चीनबाट उद्धार गरिएका विद्यार्थीको नाममा लाखौंको फर्जी औषधि-बिल पेश गरेर पैसा खानेलाई ?
-४० रुपियाँमा सरकार आफैले किन्न सक्ने सामानलाई २४० रुपियाँ लिने ओम्नीलाई ?
-ओम्नीलाई कारबाही गर्छु भन्ने र त्यो भन्दा सस्तोमा सामान किन्ने स्वास्थ्य सेवा विभागका महानिर्देशकलाई उल्टै सरूवा गर्नेलाई ?
-दानमा आएका सबै मेसिन र पिसिआर किट्सले काम गर्ने तर करोडौंमा किनेका महँगा किट्सले काम नगर्ने अनौठो कथाका कथाकारहरूलाई ?
-क्वारेन्टीनमा प्रतिव्यक्ति तीन हजारभन्दा बढ़ी खर्च देखाएर फाटेको प्लास्टिकमा भात पोको पारेर खुवाउनेलाई ?
-या उद्धारको नाममा विदेशम फसेका नागरिकसँग तीन गुना बढ़ी हवाइ भाडा उठाउनेलाई ?
घरधनीले जागीर दिने होइन, बस्न दिने हो । बसेको शुल्क लिने हो । कम्तिमा उसले त सेवा दिएर शुल्क लिएको छ । सेवा रोकेर पनि शुल्क उठाउने कैयौं व्यवसाय छन् देशमा । भ्रष्टाचारका चाङ् छन् । कारबाही चाहिँ घरबेटीलाई ? सरकारको राहत भनेको ‘कारबाही’ मात्रै ?
