२० दिनपछि देखिए उत्तर कोरियाली नेता किम
स्वास्थ्यलाई लिएर विभिन्न अड्कलबाजीका माझ उत्तर कोरियाली नेता किम जोङ उन २० दिनपछि सार्वजनिक कार्यक्रममा देखापरेका छन् । उन एउटा मलखाद कारखान उद्घाटन कार्यक्रममा देखा परेका हुन् । उद्घाट कार्यक्रमको तस्बिर उत्तर कोरियाली समाचार एजेन्सी केसीएनएले सार्वजनिक गरेको छ ।
अप्रिल ११ पछि किमले सार्वजनिक कार्यक्रममा भाग लिएको खबर तथा तस्बिर उत्तर कोरियाले सार्वजनिक गरेको थिएन । अप्रिल ११ मा उनले सत्तारुढ दल कोरियन वर्कर्स पार्टीको बैठकमा भाग लिएको बताइएको थियो । अप्रिल १५ मा उत्तर कोरियाका संस्थापक नेता तथा किमका हजुरबा किम इल सुङको १०८ जन्मदिन थियो । सो दिनलाई उत्तर कोरियामा विषेश दिनका रुपमा मनाइने गरिन्थ्यो ।
सो दिनमा पनि किम कुनै कार्यक्रममा सहभागी भएको सार्वजनिक नभएपछि उनी गम्भीर बिरामी रहेको वा मृत्यु भएको अनुमान गर्दै समाचार सार्वजनि भएका थिए ।
