भारतमा किसान आन्दोलनसँग जोडिएका दर्जनौं खातामाथि ट्विटरको रोक
भारत सरकारको निवेदनमा कानुनी सूचनापछि सामाजिक सञ्जाल ट्विटरले किसान आन्दोलनसँग जोडिएका भारतका दर्जनौं खाताहरू बन्द गरेको छ।
त्यसरी बन्द गरिएका खाताहरू कृषिसम्बन्धी नयाँ कानुनविरुद्ध गरिएका किसानका प्रदर्शन र तिनका समर्थकसँग सम्बन्धित थिए।
द क्याराभान पत्रिकाको खाता पनि बन्द गरिएको छ जसले भारत सरकारको आलोचना गर्ने गर्छ। सरकारी अधिकारीहरूले सार्वजनिक निर्देशनहरूमाथि धम्की आउन थालेको भन्दै त्यस्तो कदम आवश्यक भएको बताएका छन्। गत साता गणतन्त्र दिवसका बेला किसानहरूले राजधानी दिल्लीमा ठूलो र्याली गरेका थिए।
