संसदमा हंगामा मच्चाउने सुमनाको अभिव्यक्ति…
काठमाडौँ । राष्ट्रिय स्वतन्त्र पार्टीकी सांसद सुमना क्षेष्ठले काठमाडौंको तारकेश्वरमा कांग्रेसका नेताले सरकारी जग्गा कब्जा गरेको आरोप लगाएपछि संसदमा हंगामा भएको छ ।
बुधबार प्रतिनिधिसभाको शून्य समयमा सांसद श्रेष्ठले काठमाडौंको काठमाडौं क्षेत्र नम्बर ६ मा पर्ने तारकेश्वरमा कांग्रेस नेताले सरकारको स्वामित्वमा रहेको जग्गाकब्जा गरेको आरोप लगाएकी थिइन् ।
उनले भनिन्,‘काठमाडौँ क्षेत्र नम्बर ६ मा पर्ने तारकेश्वर वडानम्बर ९ को लोकतान्त्रिक चोकमा रहेको सरकारको नाममा रहेको जग्गाकित्तानम्बर ६२ र ६३ को सरकारी जग्गा कांग्रेस नेताले कब्जा गरेको स्थानीयबासिन्दाको उजुरीको बाबजुद स्थानीय सरकारले उक्त जग्गा संरक्षणमा कुनै पहल नगरेको आमगुनासो छ । यसमा ध्यानाकर्षण गराउन चाहन्छु ।’
उनले बोलेलगत्तै नेपाली कांग्रेसका सांसदहरुले आपत्ति जनाए । साथै सांसद श्रेष्ठको अभिव्यक्ति रेडर्कबाट हटाउन समेत माग गरे ।
कांग्रेस सांसदहरुको विरोधपछि सभामुख देवराज घिमिरेले संसद्मा राखेको विषय तथ्यमा आधारित हुनुपर्ने बताए । यदि यो विषय तथ्य नभएको पाइए रेकर्डबाट हटाउने सभामुखले आश्वासन दिएपछि बैठक अगाडि बढेको थियो ।
