सरकारका कामलाई थप प्रभावकारी बनाउन कांग्रेस र एमालेद्वारा आठ सदस्यीय संयन्त्र गठन
काठमाडौं । नेपाली कांग्रेस र नेकपा एमालेले सरकारलाई सफल बनाउन आठ सदस्यीय संयन्त्र बनाएका छन् । दुई दलका तर्फबाट चार–चारजना सदस्य रहने गरी दुई दलले संयन्त्र बनाएका हुन् ।
संयन्त्रमा कांग्रेसबाट महामन्त्री गगन थापा, उपसभापति पूर्णबहादुर खड्का, गृहमन्त्री रमेश लेखक र परराष्ट्रमन्त्री डा. आरजु राणा देउवा रहेका छन् ।
त्यस्तै, एमालेबाट वरिष्ठ उपाध्यक्ष ईश्वर पोखरेल, महासचिव शंकर पोखरेल, अर्थमन्त्री विष्णु पौडेल र उपमहासचिव विष्णु रिमाल रहेका छन् ।
एमाले प्रचार विभाग प्रमुख राजेन्द्र गौतमले सरकारका कामलाई प्रभावकारी बनाउन आवश्यक समन्वयका लागि संयन्त्र निर्माण गरेको जानकारी दिए । यस्तो संयन्त्र केन्द्र, प्रदेश र जिल्लासम्म बन्नेछ ।
सरकार निर्माणका बेला भएको संविधान संशोधनलगायत सात बुँदे सहमति कार्यान्वयन र सरकारको साझा न्यनुतम कार्यक्रमलाई प्रभावकारी रुपमा कार्यानवयनमा लैजान भूमिका खेल्ने नेताहरुको भनाइ छ ।
